Dingdong Dantes nahirapan magmahal
Article posted November 04, 2009

Rating:

Ang pagmamahal ay walang pinipiling panahon. At sa istorya ni Cholo at Jodi, inamin ni Dingdong Dantes na ibang klaseng love story ito at langit lang talaga ang hangganan. Text by Erick Mataverde. Photos by Jason John S. Lim.

"Extreme ito. Parang nung umpisa doon ako nahirapan. Kasi kumbaga it all starts at the peak of the love story. So parang, out of nowhere the couple should be very much in-love, so mahirap," paliwanang ni Dingdong Dantes nang bisitahin siya ng iGMA sa set ng Stairway To Heaven. "Mabuti na lang, along the way, sa kalagitnaan, meroon ulit 'getting-to-know process'. So it becomes more realistic. Kasi nagiging light na siya ulit, kasi andun 'yung naguumpisa ulit."

At personally, naging saksi nga kami sa mga pinagu-usapang mga eksena ni Cholo at Jodi, played by Rhian Ramos. Eventually, babalik na ang alaala ni Jodi, na siguradong dadagdag pa sa interes ng mga viewers upang sundan ang istorya.

"Ako naniniwala ako – kasi pati kami nae-excite sa istorya eh – so it is a good sign that even us within the set, we are very enthusiastic about what we are doing," patuloy ni Dingdong. "Kumbaga may paniniwala kami sa sarili naming produkto. So it should start from there."

Tinanong din namin kay Dingdong kung ano ang naging reaksyon niya sa pagsusuri ng GMA Network sa kanilang program analysis na siya ang pangunahing rason kung bakit ang Stairway To Heaven ay umaani ng matataas na ratings.

"'Yun nga eh. Nung malaman ko 'yun, tinayuan ako ng balahibo eh. I have been in the network for so many years, and it is only the first time that I really got this heavy, heavy task on my back. And, sa totoo lang, hindi ko naisip na ganun kalaki talaga ang expectation," tugon niya. "So I went through it na parang hindi ko iniisip 'yun. And along the way, I grew together with the story. So kumbaga na-attach ako on how Cholo would think, and how Cholo would do things. Mahalin mo lang talaga 'yung character mo. 'Yun lang – pag-uwi mo, alamin mo kung papaano ako mag shu-shutdown."

Inamin naman ni Dingdong na sadyang hindi niya tinapos panoorin ang original Stairway To Heaven para masiguradong sariling sarili niya ang pagganap kay Cholo. Ngunit, of course, aware din naman si Dingdong na ang original story ang reason kung bakit inaabangan ng mga manonood ang Pinoy version.

Though he stresses, na very open pa din naman siya sa ano mang pagbabago. "Sabi ng GMA, 'We will stick to the story 90%.' So far, we have been 100% loyal to the story," ang deklara ni Dingdong. "So may 10% pa silang aabangan."

Sa mga intriga naman kung bakit si Rhian Ramos ang napipisil pa rin maging leading lady niya sa susunod niyang pelikula, madalian naman itong pinaliwanagan ni Dingdong. "Unang-una kailangan alamin muna nila kung ano ba ang istorya ng Andong Agimat," sagot niya . "[Pero] ayaw ko muna mag-kuwento hangga't wala pa namang official announcement ang producers. Alamin muna nila kung what it is about, and kung why. 'Yun 'yun eh."

So don’t miss the intense love story of Cholo and Jodi in Stairway To Heaven, weeknights sa GMA Telebabad!

Pag-usapan si Dingdong sa Stairway To Heaven sa iGMA Forum! Not yet a member? Register here!

Kamustahin si Dingdong via Fanatxt! Text DINGDONG ON [Your Message] and send to 4627 for all networks. For GOMMS Wallpaper, text GOMMS DINGDONG ON and send to 4627. Telco charges apply. This service is only available in the Philippines.