Article posted January 03, 2009
Rating:
Isa sa mga common New Year's resolutions ang paghinto ng isang bagay na ayaw mo nang gawin. This year, find out kung anu-anong mga something ang gustong ihinto ng ilan sa ating mga favorite Kapuso stars. Compiled by Jason John S. Lim with interviews by the iGMA Web Team. Photos by Mitch S. Mauricio.
Jolina Magdangal: "Hindi ko naiisip na meron akong ihihinto dahil ‘pag may ginagawa akong bagay lalo na kapag alam kong gusto ko, or tingin ko parang gusto ko i-try, dalawang beses or tatlong beses ko muna iniisip, eh. So kung na-go ko na 'yun, bakit ko pa i-stop kung pinag-isipan ko na ng talong beses, 'di ba? At hindi rin ako naghihintay ng kailangan pa New Year para may resolution chuva [na] mga ganyan. Kahit kalian, kahit start or gitna ng taon or ano, kung may kailangan ka i-istop dahil mali i-stop mo na; kung may kailangan ka i-go, i-go mo na."
Marvin Agustin: "Wala akong stop eh; actually go. Mas marami akong go for this coming year than stop. I don't wait for the New Year, by January 1, to stop something that I don't like. Marami-rami na akong tinigil sa buhay ko, so wala na kong dapat itigil. Actually mas go [talaga], at mas double time by this coming year."
Stef Prescott: "Siguro 'yung shopping na hindi kailangan: mga make-up—super, super I love make-up. Pero kailangan siguro kung anong meron ako 'wag nang bilhin."
Mark Herras: "Siguro 'yung ano na lang—magpuyat ng sobra. Haha. 'Yun lang."
Jade Lopez: "Stop ko nang mag-palpitate. This year kasi palagi akong parang, lagi akong kinakabahan, tapos kahit small things ninenerbiyos ako—stop ko na 'yun. [Why?] Hindi ko nga rin alam, eh. Kasi bumibilis 'yung heartbeat [ko], nagpa-palpitate talaga ko minsan. [How do you stop it?] Ano lang naman eh parang positive thinking, relax."
Ikaw? Meron ka bang mga gustong ihinto this 2009?
And find out kung ano ang New Year's resolutions ng iba mo pang Kapuso idols! Just key in FANATXT and send to 4627 para malaman kung sino sa mga idols mo ang Fanatxt Artist din. Each Fanatxt message costs PhP2.50 for Globe, Smart, and Talk N Text, and PhP2.00 for Sun subscribers. (This service is exclusive for the Philippines only.)
