Article posted October 23, 2007
Rating:
May ilang bukang liwayway
na kakulay ng taglagas
may ibang dapit hapong
liwanag na sumasabog
Kung minsan ang puting
puwang
palawakin man ng iyak
ay nagiging isang pumpon
ng kandilang di maupos
Hanggang kaya mong
gumising
at kaya kong managinip
kaya nating pag-isahin
ang darating at aalis
Habang may kapangyarihang
pangarapin at mangarap
walang laban ang kahapong
matuldukan
Kung minsan ang puting
puwang
palawakin man ng iyak
ay nagiging isang pumpon
ng kandilang di maupos
Bakit ba may inaasam
tayong ayaw maganap
pagkat ngayon ay mayroong
bukas natin ang handog
Hanggang kaya mong
gumising
at kaya kong managinip
kaya nating pag-isahin
ang darating at aalis
